Një kompani prodhuese e frutave dhe perimeve ka njoftuar rikthimin e kastraveceve të dërguara në 14 shtete të SHBA-së për shkak të mundësisë së kontaminimit me bakterin e salmonelës. Kastravecet e plota janë dërguar nga data 17 deri më 21 Maj. Kompania Fresh Start Produce Sales Inc., me bazë në Florida, ka bërë njoftimin pasi Departamenti i Bujqësisë së Pensilvanisë informoi kompaninë se bakteret e salmonelës u gjetën pas testimit të një mostre të produktit.
Shtetet ku janë dërguar kastravecet janë Alabama, Florida, Georgia, Illinois, Maryland, Karolina e Veriut, New Jersey, New York, Ohio, Pensilvania, Karolina e Jugut, Tennessee, Virxhinia dhe Virxhinia Perëndimore. Kastravecet e errët jeshile janë rreth 1.5 deri në 2 inç në diametër dhe 5 deri në 9 inç të gjatë. Kastravecet janë shitur nga Fresh Start Produce Sales në Delray, Florida.
Kompania ka njoftuar klientët që kanë blerë produktin e rikthyer direkt nga kompania dhe ka kërkuar që ata të heqin produktin nga shitja. Kompania tha se kastravecet e rikthyer janë te pakte, por kushdo që ka blerë një duhet ta hedhë atë ose ta kthejë atë në vendin e blerjes për një rimbursim.
Salmonela është forma më e zakonshme e helmimit ushqimor bakterial në SHBA, sipas Klinikës Cleveland. Simptomat e një infeksioni përfshijnë diarre, ethe dhe dhimbje stomaku, sipas Qendrës për Kontrollin dhe Parandalimin e Sëmundjeve. Të rriturit mbi 65 vjeç, fëmijët nën 5 vjeç dhe njerëzit me sisteme të dobësuara imunitare janë në rrezik më të lartë të sëmundjes së rëndë.