Një tjetër mrekulli ka ndodhur në Turqi, ku është nxjerrë e gjallë nga rrënojat një vajzë 17-vjeçare, pas plot 248 orësh.
”Dëgjuam papritur një zë”, është rrëfimi i një prej ekipeve të kërkim-shpëtimit në zonat ku ka rënë tërmeti shkatërrues.
Aleyna Ölmez u zbulua nga ekipet e shpëtimit, të cilët teksa ishin duke pastruar rrënojat e lëna pas nga tërmeti, dëgjuan papritur një zë, duke i bërë ata që të shpejtojnë në gërmim, nga ku u zbulua se mes tyre ishte një person që ishte ende gjallë, edhe pse diçka e pabesueshme për shkak të orëve të shumta që kanë kaluar që nga rënia e tërmetit.
E reja u nxor nga rrënojat e pallatit ku ajo banonte në Turqinë juglindore, në zonën e Kayabasi në qytetin e Kahramanmaras.