Shkodra, një nga qytetet më të rëndësishme në veri të Shqipërisë, po përballet me përmbytje të rënda pas reshjeve të dendura të shiut që kanë përfshirë zonën. Rrugët kryesore të qytetit, përfshirë bulevardin “Skënderbeu”, rrugën “Isa Boletini” dhe zonën e Pedonales, janë mbuluar nga uji, duke krijuar vështirësi të mëdha për banorët dhe trafikun.
Qytetarëve u eshte bërë thirrje që të dalin nga shtëpitë vetëm për arsye të domosdoshme, duke theksuar rëndësinë e sigurisë personale në këto kushte të vështira. Ekipet e Shërbimeve Publike janë angazhuar në terren për të menaxhuar situatën dhe për të ndihmuar në pastrimin e kanaleve të bllokuara dhe largimin e ujit nga rrugët.
Përmbytjet kanë shkaktuar gjithashtu ndërprerje të energjisë elektrike në disa zona të qytetit, duke shtuar më tej vështirësitë për banorët.Ndërkohë, autoritetet lokale po punojnë intensivisht për të rikthyer normalitetin dhe për të siguruar që të gjitha rrugët të jenë të kalueshme sa më shpejt të jetë e mundur.
Në këto momente të vështira, është e rëndësishme që qytetarët të ndjekin udhëzimet e autoriteteve dhe të qëndrojnë të sigurt. Për më shumë informacion dhe përditësime të mëtejshme, qytetarët mund të ndjekin njoftimet zyrtare të Bashkisë së Shkodrës.
Foto nga Google Images