Të martën, Spanja u përfshi nga një stuhi e fuqishme që solli shi të dendura dhe breshër sa “madhësia e topave të golfit”. Kjo stuhi e papritur shkaktoi përmbytje të mëdha dhe shkatërrime të konsiderueshme, duke marrë jetën e të paktën 140 personave sipas agjencise qeveritare EFE, raporton gazeta The Guardian.
Meteorologët raportuan se stuhia u shkaktua nga një fenomen i njohur si “gota fría” (breshër e ftohtë), një masë ajrore e ftohtë që përplaset me ajrin e ngrohtë, duke shkaktuar reshje të mëdha brenda një periudhe të shkurtër. Kjo çoi në përmbytje të mëdha në rajonet e Valencias, Castilla-La Mancha dhe Andalusia.
Përmbytjet transformuan rrugët në lumenj dhe shkaktuan dëme të mëdha infrastrukturore. Shumë shtëpi dhe biznese u shkatërruan nga uji dhe breshëri i madh. Ekipet e emergjencës dhe mijëra ushtarë u mobilizuan për të ndihmuar në kërkim-shpëtim dhe për të siguruar ndihmë për të prekurit.
Shkencëtarët e klimës paralajmërojnë se fenomene të tilla të përmbytjeve ekstreme janë bërë më të shpeshta dhe më intensive për shkak të ndryshimeve klimatike. Atmosfera më e ngrohtë mban më shumë lagështi, e cila më pas lëshon reshje të mëdha brenda një periudhe të shkurtër.
Qeveria spanjolle shpalli një periudhë tre-ditore zie kombëtare për të nderuar viktimat e kësaj tragjedie. Banorët dhe komuniteti ndërkombëtar kanë ofruar ndihmë për të mbështetur të prekurit dhe për të rindërtuar zonat e shkatërruara.
Foto nga Google Images