Libri “Një lutje për Prishtinën” sjell përpara lexuesit një përshkrim të detajuar dhe prekës të luftës së fundit në Kosovë, duke rikthyer furishëm kujtimet e dhimbjes, vuajtjes, frikës dhe shpresës që karakterizuan atë periudhë të errët të historisë. Ky libër është një testament i qëndresës dhe kurajos së popullit kosovar gjatë një prej kapitujve më të vështirë të jetës së tij.
Libri “Një lutje për Prishtinën” eshte shkruar nga Xhemail Mustafa. Gjate luftes, Xhemail Mustafa, nuk kishte gjetur si zgjidhje ikjen, por kishte vendosur të qëndrojë brenda tokës së Kosovës, pa marrë parasysh pasojat. Brenda vetëm dy muajve kishte ndërruar dy-tri apartamente në kuartin ‘Dardania të Kosovës’, bashke me gruan dhe djalin e tij. Xhemail Mustafa, atëherë i njohur si gazetar, politikan, publicist por edhe si këshilltar politik i presidentit Ibrahim Rugova, la një dokument të rëndësishëm pas vetës, duke paraqitur vërtetuesin më të mirë të luftës në Kosovë.
“Tek po ngjitesha shkallëve të pallatit ku po banoja, në pjesën qendrore të lagjes ‘Dardania’, pashë njërin nga fqinjët, që bashkë me fëmijët po zbriste me nguti e me një nervozë, shkallëve teposhtë. Po shkojnë, i thashë vetës, kurse për të satën herë gjatë ditës një zë i rëndë vinte nga brenda dhe përpiqej ti bënte sfidë zbrazjes me rrëmujë të Kosovës.
Duhet të qëndrojmë, i thashë vetës, pa qenë i sigurtë se do t’ia dalim t’i shpëtojmë thikës serbe. Nëse e lëshojmë Kosovën- kjo do të jetë fitorja më e madhe dhe përfundimtare e serbëve, po e ribindja vetën”.
Në faqet e këtij libri, autori përshkruan me ndjeshmëri të thellë ngjarjet dramatike dhe emocionet e fuqishme që përjetuan njerëzit gjatë luftës. Çdo detaj i përshkruar, qoftë ai i dhimbjes së humbjes së të dashurve, vuajtjeve të përditshme, apo frikës nga e panjohura, është një pasqyrë e realitetit të ashpër dhe brutal të luftës. Por, mbi të gjitha, libri përçon një mesazh të fortë të shpresës dhe rezistencës, duke treguar se, edhe në kohët më të errëta, njerëzit mund të gjejnë forcën për të vazhduar përpara.
“Një lutje për Prishtinën” nuk është thjesht një rrëfim historik, por një reflektim i thellë mbi humanizmin dhe fuqinë e shpresës. Autori ndërthur histori personale me ngjarje të mëdha, duke krijuar një narrativë që është njëkohësisht intime dhe universale. Përmes këtij libri, lexuesi kalon përmes rrugicave të Prishtinës së bombarduar, dëgjon zërat e atyre që kërkojnë drejtësi dhe shpreson për një të ardhme më të mirë.
Libri ka marrë vlerësime të larta nga kritikët dhe lexuesit për mënyrën autentike dhe emocionuese me të cilën trajton një temë kaq të ndjeshme. Ai u rekomandohet të gjithë atyre që duan të kuptojnë më mirë historinë e Kosovës dhe të reflektojnë mbi fuqinë e shpirtit njerëzor në përballjen me vështirësitë.
Foto nga Google Images