Në një moshë kur shumica e njerëzve preferojnë të qëndrojnë në shtëpi dhe të shijojnë qetësinë, Kim Knor, një 85-vjeçare nga Michigan, ka zgjedhur një rrugë krejtësisht të ndryshme. Me një pasion të pashuar për aventurën, Kim ka realizuar tashmë 698 hedhje me parashutë dhe synon të arrijë 1000 hedhje deri në vitin 2026.
Kim filloi të hidhej me parashutë në moshën 20-vjeçare, por bëri një pauzë prej 37 vitesh për të rritur familjen e saj. Tani, si stërgjyshe, ajo është rikthyer në qiell dhe po ndjek me vendosmëri ëndrrën e saj për të fituar “Gold Wings” nga Shoqata e Parashutistëve të Shteteve të Bashkuara.
Ajo udhëton nëpër vend me një shtëpi të lëvizshme, duke u hedhur nga avionët sa herë që ka mundësi. “Është një varësi,” thotë Kim. “Nuk jam në një karrocë, nuk jam në një karrige lëkundëse, nuk rri në divan dhe nuk shikoj TV. Çfarë bëj? Hidhem nga avionët”.
Kim është një frymëzim për shumë të rinj dhe të moshuar. Daniel Castillo, një instruktor parashutizmi në iSkydive Detroit, thotë: “Pasioni që ajo ka për këtë sport është i jashtëzakonshëm. Shpresoj të jem si ajo një ditë”.
Në fundjavën e ardhshme, Kim do të kthehet në Grand Haven për të realizuar hedhjen e saj të 700-të në Ditën Botërore të Parashutizmit, duke u bashkuar me parashutistë nga e gjithë bota për të vendosur një rekord të ri për numrin më të madh të hedhjeve në një ditë.
Kim Knor është një shembull i gjallë i asaj që mosha është vetëm një numër dhe se pasioni dhe vendosmëria mund të na mbajnë të rinj në shpirt dhe në zemër.
Foto nga Google Images