Në një skenë të mbushur me emocione dhe pritje, Romeo u përball me një seri surprizash që e përlotën atë dhe të gjithë të pranishmit. Në natën finale të spektaklit të madh, ai u nderua me praninë e disa prej figurave më të dashura në jetën e tij.
Surpriza e parë erdhi nga Gaz Paja, i cili ishte i pari që e përkrahu Romeon në skenën e humorit të “Portokallisë”. Pas derës që u hap, qëndronte Gaz Paja, duke i kujtuar Romeos fillimet e tij dhe mbështetjen e pakursyer që ai i kishte dhënë.
Pas kësaj, Bora Zemani, partnerja e Donaldit, vellait te Romeos, u shfaq pas derës së dytë, duke shtuar një tjetër moment të veçantë në mbrëmjen e mbushur me emocione. Elvana Gjata, artistja e njohur, ishte surpriza që qëndronte pas derës së tretë, duke i dhënë Romeos një moment të papritur gëzimi.
Por surpriza që e përloti më së shumti Romeon ishte ajo nga Donaldi, vëllai i tij. Romeo tha se “është e vetmja derë që kam shumë frikë ta hap”, duke treguar lidhjen e thellë dhe ndikimin që Donaldi ka pasur në jetën e tij.
Këto momente të papritura dhe të ngrohta sollën në skenë jo vetëm figurat që kanë ndikuar në karrierën e Romeos, por edhe në formimin e tij si njeri. Mes lotëve dhe buzëqeshjeve, Romeo u shpreh se ishte krenar për njeriun e mirë që kishte bërë.
Nata finale e Romeos në “Big Brother VIP 3” ishte një dëshmi e fuqishme e dashurisë dhe respektit që ai gëzon nga të afërmit dhe kolegët e tij. Ishte një mbrëmje që do të mbetet e gdhendur në kujtesën e tij dhe të të gjithë atyre që e ndoqën rrugëtimin e tij.
Foto nga Google Images