E ftuar në “ABC e Mëngjesit”, e bija, Bora Ferri ka kujtuar të atin. Ajo ka folur për raportin që ka pasur me të.
“Nuk e di se si i kanë raportet baballarët e tjerë me vajzat, por unë e them gjithmonë, ai ka qenë profesor, mentor, mik, shok, po them dhe kundërdebatuesi numër një, për shkak se temperamentin e kemi pasur shumë të ngjashëm.
Do të them diçka që nuk e kam thënë më herët. Xhoda ka qenë adhurues i Shekspirit, edhe e njihte Shekspirin në mënyrë analitike dhe të zbërthyer.
Ndonëse ka luajtur Hamletin në disa kontekste, monologu i tij i preferuar ka qenë ai i Mark Antonit në tragjedinë Jul Çezari të Shekspirit.
Recitonte monologun e Mark Antonit, ‘O miq qytetarë, më dëgjoni’. Edhe këtë e ka bërë në shumë vende të botës që kemi qenë bashkë, në Firenze, Paris, rrugët e Prishtinës.”
Ajo foli edhe per edhe Xhoden si gjysh, i cili e kishte marrë këtë status vetëm tre muaj pasi u nda nga jeta.
“Në familjen tonë ka një koncidencë, që kur unë kam lindur babai i Xhodës fatkeqësisht është sëmurë dhe ka ndërruar jetë.
Mua më ka njohur shumë pak. Edhe ndodhi që kur lindi ime bijë, Marlo bëri 3 muaj më 14 janar, ndërsa më 16 Xhoda u nda nga jeta. U çmend fare, ato 2 muaj aktivisht që e shihte përditë dhe e mbante.
Sa vinte në shtëpi më thoshte ma vër te gjunjët”, u shpreh ndër të tjera e përlotur Bora.