UEFA ka ndryshuar rregullin për çmimin “Këpuca e Artë” për Euro 2024. Nëse disa lojtarë përfundojnë me numër të barabartë golash, të gjithë do të marrin trofeun. Aktualisht, gjashtë lojtarë janë në garë për këtë çmim, secili me nga tre gola: Dani Olmo (Spanjë), Harry Kane (Angli), Jamal Musiala (Gjermani), Cody Gakpo (Holandë), Georges Mikautadze (Gjeorgji) dhe Ivan Schranz (Sllovaki).
Kjo do të thotë se nëse asnjëri prej tyre nuk shënon më shumë gola në finalen e së dielës, të gjithë do të ndajnë çmimin. Ky ndryshim është bërë për të siguruar që të gjithë lojtarët që kanë performuar në mënyrë të barabartë të marrin njohjen e merituar.