Pas një ndeshjeje të fortë dhe të ngushtë me ekipin kombëtar të Çekisë, trajneri i Shqipërisë, Sylvinho, ka theksuar se skuadra e tij mbetet në garë për vendin e parë në grup. Ndeshja përfundoi me rezultatin 0-0, duke lënë të hapura mundësitë për kualifikim në fazën tjetër të turneut.
Në konferencën për shtyp pas ndeshjes, Sylvinho shprehu kënaqësinë për performancën e ekipit, duke theksuar se lojtarët treguan angazhim dhe luftë për çdo top në fushë. “Kjo ishte një ndeshje e vështirë dhe ne e dinim që do të përballeshim me një kundërshtar të fortë. Jam krenar për djemtë dhe përpjekjet e tyre,” tha Sylvinho.
Ai gjithashtu vuri në dukje se ekipi ka hapësirë për përmirësim dhe se çdo ndeshje është një mundësi për të mësuar dhe për të rritur nivelin e lojës. “Ne kemi ende shumë për të dhënë dhe të gjithë në skuadër e dinë se çfarë kërkohet për të arritur suksesin. Vendi i parë në grup është ende një objektiv i arritshëm për ne,” shtoi ai.
“Barazimi është rezultat që lë çdo gjë hapur, ky është një grup i ekuilibruar. Çekia është e fortë, t’ja ulësh ritmin e vështirë. Nuk më kanë pëlqyer 20 minutat e para, por teknikisht jam i lumtur me lojtarët dhe çdo gjë është e hapur.
Duke qenë se janë lojtarë të gjatë, është ekip i vështirë. Jo se lojtarët tonë nuk i janë përgjigjur skemave, kanë bërë shumë mirë. Ato fizikisht janë shumë mirë, duke ushtruar presion mund të nxjerrin lojtarë përpara dhe duke pasur kualitet skuadra mund të bëjnë shumë mirë.
Kemi bërë përshtatje, ndryshime nga ndeshja në Pragë, po të luanim si atje do kishim humbur. Lojtarët u përgjigjën. Ato kanë lojtarë që fizikisht më të mirë, nëse marrin top të gjatë kanë mundësi të jenë shumë të mirë në sulm. Kemi parë çfarë ndodhi në Pragë, jemi përshtatur, por shumë e vështirë me një ekip që ka fizik të tillë. Mendoj se duke qenë që kemi marr barazim na lë hapësirë për vendin e parë. Kemi ndjekur dhe kampionatin çek që shumë i fortë. Ne kemi ndryshe stilin e lojës, më teknik, luajmë një futboll me fushë të ulët. Nga katër ndeshjet që kemi luajtur, ne kemi fituar 1, ata 1 dhe kemi dy barazime”, u shpreh Sylvinho për mediat.
Ndeshja e ardhshme do të jetë një provë e rëndësishme për Shqipërinë, ndërsa vazhdojnë përpjekjet për kualifikim. Tifozët shqiptarë janë duke pritur me padurim ndeshjet e ardhshme dhe shpresojnë për rezultate të mira që do të sigurojnë vendin e parë në grup. ⚽✨
Foto nga Google Images