Një vit më parë, më 5 nëntor 2023, një nga regjisorët dhe skenaristët më të njohur të kinematografisë shqiptare, Vladimir Prifti, ndahej nga jeta. Prifti lindi më 1 qershor 1942 në Tiranë dhe ka mbaruar Shkollën e Lartë të Aktorëve “Aleksandër Moisiu” (sot Fakulteti i Artit Dramatik në Universitetin e Arteve).
Ai filloi karrierën e tij në Teatrin Kombëtar, ku luajti disa role të dyta, duke shfaqur talentin e tij artistik. Në vitin 1974, Prifti filloi të punonte për RTSH dhe më vonë bëri debutin e tij në xhirim filmash me dramatizimin e romanit të Ismail Kadare nga Pirro Mani, “Gjenerali i ushtrisë së vdekur” (1976).
Prifti ka realizuar disa nga filmat më të njohur të kinematografisë shqiptare, si “Udha e shkronjave” (1978), “Kur hidheshin themelet” (1978), “Era e ngrohtë e thellësive” (1982), “Kush vdes në këmbë” (1984), “Dhe vjen një ditë” (1986), dhe “Flutura në kabinën time” (1988). Ai gjithashtu ka punuar në dokumentarë, duke përfshirë “Butrinti” (2002), që ka fituar çmim në Festivalin Ndërkombëtar të Filmit Arkeologjik në Kiel.
Prifti ka qenë një pedagog i gjuhës dhe regjisës së filmit në Akademinë e Filmit dhe Multimedias Marubi – Kinostudio në Tiranë. Ai është nderuar me titullin “Artist i Merituar” dhe ka marrë çmimet e Republikës për kontributin e tij në kinematografi.
Foto nga Google Images