Sot, në 74-vjetorin e lindjes së tij, kujtojmë aktorin e mirënjohur Marko Bitraku, një figurë e rëndësishme në botën e artit dhe kinemasë shqiptare. I lindur më 15 janar 1951 në Lavdar të Oparit, në rrethin e Korçës, Marko Bitraku la një trashëgimi të pasur artistike që vazhdon të frymëzojë brezat e ardhshëm.
Pas përfundimit të studimeve në Institutin e Lartë të Arteve (sot Akademia e Arteve) në vitin 1974, ai filloi punën si aktor profesionist në Teatrin “Andon Zako Çajupi” të Korçës. Në këtë teatër, ai interpretroi role të shumta që e bënë të njohur për publikun artdashës. Ndër këto role janë rolet e tij në komedinë “Berberi i Seviljes” dhe dramën “Franku i V-të”.
Marko Bitraku shkëlqeu edhe në kinematografi, duke realizuar mbi 13 role në filma që do të mbeten përherë në mendjet e publikut. Roli i tij i parë ishte ai në filmin televiziv “Flamur në dallgë” në vitin 1977. Karriera e tij filmike përfshiu role si Komandantit të Xhandarëve në filmin “Mësonjëtorja” në vitin 1979, Selmanin në “Asgjë nuk harrohet” në vitin 1985, dhe Rushkën në filmin “Njerëz në rrymë”.
Ndikimi i Marko Bitrakut në artin shqiptar është i pashlyeshëm. Ai vdiq më 8 tetor 2015, por trashëgimia e tij vazhdon të jetojë përmes veprave të tij. Në këtë përvjetor të lindjes së tij, ne kujtojmë me dashuri dhe respekt një artist që dha shumë për kulturën dhe artin shqiptar, duke lënë pas një trashëgimi të pasur dhe të çmuar.
Foto nga Google Images